EDITORIAL: Nakakabahala ang pagtaas ng HIV cases sa Pangasinan

December 11, 2016 at 10:29 pm Leave a comment


Kamakailan lang, naiulat na tumataas ang bilang ng mga may taglay na “human immuno virus” (HIV) sa Pangasinan na nagdulot ng pagkabahala ng Sangguniang Panlalawigan (SP) na pinamumunuan ni Vice Governor Jose Ferdinand Z. Calimlim Jr.
Ayon sa ulat ng Provincial Health Office (PHO), patuloy ang pagtaas ng may kasong HIV mula 26 noong 2013, 62 noong 2015 at umabot na sa 100 sa 2015. Sa buong Ilocos Region na may 696 na kasong HIV, ang Pangasinan ang nagtala ng pinakamaraming kaso na umaabot sa 380 sa loob ng anim na taon. Dahil dito naaalarma ang SP lalo na’t ang mga apektado ay tinatayang nasa edad na 15 hanggang 34.
Ano ang HIV? Ito ay isang “virus” na nakukuha sa pakikipagtalik sa may taglay nito na ang karaniwang tinatamaan nito ay mga Lesbian, Bisexual, Gay at Transgender (LBGT) at mga babae at lalake na tinataguriang “sex workers”. Ang “immune system” ng tao ang tinatamaan nito hanggang sa ito ay mawala at maging sakit na “acquired immune deficiency syndrome” (AIDS) na wala pang natutuklasang gamot nito. Ayon sa mga dalubhasa sa kalusugan ng tao, hindi ito napapansin ng mga may dalang “virus” hanggang sa sila ay manghina na at magkaroon ng komplikasyon sa kanilang mga tinataglay na sakit hanggang maging ganap na AIDS.
Hindi natukoy kung saang mga bayan at siyudad ang mga apektado. Subalit kung ating bigyan pansin, marahil ang mga ito ay sa mga siyudad na kung saan nakakarami ang mga “sex workers”. Bagamat may mga hakbang na isinasagawa ng mga kawani ng  mga ahensyang pangkalusugan, hindi pa ganap ang mga hakbanging ito lalo na sa simula ay hindi kayang matukoy kung alin sa mga ito ang nagtataglay ng “virus”.
Matagal na ang mga impormasyon na naibibigay ng pamahalaan tungkol sa HIV at AIDS, subalit hindi ito inaalintana ng mamamayan. Hindi nag-iingat sa mga pakikipagtalik sa hindi permanenteng partner hanggang magising na lang sila na nagtataglay na sila ng impeksyon na dulot ng HIV. Ilan sa mga naibigay ng impormasyon para hindi kapitan ng isang tao ng HIV ay ang magkaroon ng sapat na kaalaman tungkol dito (awareness), paggamit ng mga proteksyon sa pakikipagtalik gaya ng kondom, hindi paiba-iba ang mga nakakatalik at regular na pagkonsulta sa mga ahensyang pangkalusugan para malaman kung sila ay ligtas sa naturang “virus”.

Dahil sa nakakabahala na ang mga kasong ito sa Pangasinan, nagpanukala si 2nd District Board Member Raul P. Sison na magkaroon ng malawakang programa sa kaalaman sa sakit na ito (awareness) na HIV-AIDS bago pa man lumawak ang mga apektado sa lalawigan. Sa kanyang panukala na nakapaloob sa isang resolusyon, hinihimok ni Board Member Sison na ang bawat bayan at lungsod sa Pangasinan ay magtalaga ng “Local AIDS Council” para matutukan ang paglaganap nito. Kailangan dito ay ang HIV-AIDS Prevention Plan ng bawat bayan at lungsod.
Bawat isang Pangasinense ay may tungkulin sa panukalang ito. Kailangan ang pakikipagtulungan sa mga “local government units” at kung nararapat ay tukuyin nila sa kanilang mga lugar kung sino ang mga hinihinalang may taglay ng “virus” na ito. Karaniwan sa mga may dalang sakit na HIV ay natatakot at nahihiya silang lumantad sa lipunan. Nararapat din na ang mga “civil groups”, non-government organizations (NGOs) at pati ang mga grupong mamamahayag ay tumulong upang maibigay ang malawakang impormasyon sa pagpigil ng paglawak ng sakit na ito.
Ang pahayagang ito ay humihimok sa lahat ng mga Pangasinense na tumulong sa paglaganap ng “virus” na ito sa tamang pagbibigay ng impormasyon lalo na sa mga kabataan. Naniniwala kami na sa tapat at tamang ugnayan ng pamahalaang lalawigan at mga mamamayan ay magkakaroon ng positibong resulta para maibsan o mawala ang nakakamatay na sakit na ito. Sa bawat isa, kailangan lang ng pag-iingat.
 
 
Advertisements

Entry filed under: News.

WELLNESS CENTER’S BENEFICIARIES JDV, Fernandez open Paseo de Belen

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Welcome to Northern Watch Online.You are visitor no.

  • 603,135 since Feb. 10, 2009

Events Watch

sugod agri-expo Photobucket

Last Week’s Cartoon

Photobucket

Day Watch

December 2016
S M T W T F S
« Nov   Jan »
 123
45678910
11121314151617
18192021222324
25262728293031
Regional blogs & blog posts
Regional blogs
Media blogs
Opinion blogs
Community blogs

Enter your email address to subscribe to this blog and receive notifications of new posts by email.

Join 1,337 other followers


%d bloggers like this: