Ang Wikang Pambansa

September 5, 2010 at 11:42 am Leave a comment


Sa mga masugid kong tagasubaybay sa kolum na ito, bayaan ninyo muna akong magsulat sa ating sariling wika. Ito’y pagbibigay pugay sa ating kasarinlan bilang isang bansang malaya at mga taong nagmamahal sa kanilang iisang bansang Pilipinas. Ito rin ay pagbibigay halaga sa buwan ng Agosto na tinaguriang Buwan ng Wika.
Bagamat ang pandaigdigang lipunan ay nagsasabi na ang wikang Ingles ang mamayani upang umusbong ang tunay na kaunlaran at ugnayang internasyonal, ang wikang Filipino ay hindi rin dapat pabayaan. Ang wikang ito ang nagbubuklod sa atin bilang iisang lahi na nahabi sa mga ibat-ibang wika. Ang ating bansa ay binubuo ng mga ibat-ibang katutubo- Igorot, Tagalog, Capampangan, Bicolano, Ilocano, Cebuano, Ilonggo, atbp., – ang mga ito ay may kanya-kanyang mga sinaunang pananalita. Dahil dito, ang Surian ng Wikang Pambansa ay naatasan na lumikha ng iisang wika, mga wikang hinabi sa mahigit na 87 pananalita sa ating bansa.
Mayroon na ba tayong iisang wika? Ano ang ating pamantayan sa pagbuo ng iisang wika para sa ibat-ibang katutubong lahi ng ating bansa?
Ang wikang Tagalog ang nagiging dominanteng wika. Ang nasyonal na media ay gumagamit sa wikang ito – telebisyon, radio at mga pahayagan. Dahil sa nagiging angat nito sa ibang wika o pananalita sa ating bansa, ang tingin ng karamihan ay Tagalog an gating wikang pambansa. Tagalog nga ba?
Ang wika ay may buhay. Ito ay umuusbong araw-araw. Bilang mga tao, lumalabas ang ating mga pagiging mapaglikha. Sa araw-araw nating pakikisalamuha sa ating kapwa, pati ang ating ginagamit na salita ay nag-iiba. Kahit sa wikang Ingles, ito rin ay umuusbong. May mga bagong salita na nabubuhay at nagiging parte na ng pandaigdigang ugnayan.
Kamakailan lang, ang Pamantasan ng Pilipinas (University of the Philippines) ay naglimbag ng bagong talasalitaan ng wikang Flipino. May mga bagong salita ang kanilang idinagdag. Bagamat hindi ito ginagamit sa mga sinaunang ugnayang komunikasyon, ang mga salitang ito ay umusbong na parang kabute at sa kasalukuyan ay katanggap-tanggap na sa ating lipunan.
Sino ang mag-aakalang ang salitang nger-nger ng mga Ilocano na tumutukoy sa tunog ng asong galit ay nasa talasalitaan. Kasama na dito ang mga salitang imbiyerna, bihud, tsugi at iba pa na sa ating pakiwari ay hindi dapat gamitin sa pamantayang literatura.
Subalit, huwag natin ipakahulugan na ang mga salitang “jejemon” na ginagamit sa pagteks ay katanggap-tanggap sa pakikipag-usap at pakikipag-ugnayan sa sulat. Gaya ng aking sinasabi na umuunlad din ang mga salita sa wika, ang “jejemon” para sa akin ay di dapat gamitin sa malawakang ugnayan. Nasisira ang mga dapat pamantayan sa wika, na ang wika ay dapat mag-ugnay sa diwa ng mga tao.
Ito ay isang halimbawa. Ano kaya kung ang ating usapan ay ganito.
Tao 1: Pre, muztah ka nah? Dpa me eatz. Patzibug dotits.
(Pare, kumusta ka na? Hindi pa ako kumain. Pakain naman dito.)
Tao 2: Me din pre. Dpa me eatz. Waz me datrils. Peroh oks lang me.
(Ako rin pare. Hindi pa ako kumain. Wala akong pera. Pero okey lang ako.)
Pag nakasanayan natin ang mga ganitong pamamaraan ng pakikipag-usap, ang buod ng wika ay nawawala na. Nawawala na rin ang kasarinlan at tunay na pakikipag-ugnayan.
Ang “jejemon” ay mga salitang hinabi ng mga kabataan na nagmula sa pagteks o yong tinatawag sa selpon na SMS o short messaging system. Pero, meron na naming mga umuusbong na salita. Ito ay ang “bikemon” na mga salitang hinabi ng mga “gay”. Mga halimbawa sa “gay lingo” ay “ luz valdez” na tumutukoy sa mga natalo, “ fez value” tungkol sa kaanyuan ng mukha, “chaka” pag pangit, “ charing” pag nagbibiro at iba pa. Pag ang mga salitang ito ay pumasok na sa malawakang pakikipag-usap at ugnayan, sigurado ako na mawawala na ang tunay na diwa ng ating wikang pambansa.
Ating linangin ang ating wika. Bigyan ito ng pansin. Sabi nga ni Rizal,” ang taong di marunong magmahal sa sariling wika ay higit pa sa isang malansang isda”.
(para sa inyong komento, ipadala sa emperorvirgil@yahoo.com)

About these ads

Entry filed under: News. Tags: .

HOSTAGE MANAGEMENT: Abono calls for upgraded protocol Kimi cites importance of national language

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback this post  |  Subscribe to the comments via RSS Feed


Welcome to Northern Watch Online.You are visitor no.

  • 315,233 since Feb. 10, 2009

Events Watch

sugod agri-expo Photobucket

Last Week’s Cartoon

Photobucket

Day Watch

September 2010
S M T W T F S
« Aug   Oct »
 1234
567891011
12131415161718
19202122232425
2627282930  
Regional blogs & blog posts
Regional blogs
Media blogs
Opinion blogs
Community blogs

Enter your email address to subscribe to this blog and receive notifications of new posts by email.

Join 37 other followers


Follow

Get every new post delivered to your Inbox.

Join 37 other followers

%d bloggers like this: